8點半左右起咗身，賴咗陣床，起身去街市。

本身來堂食 McGriddles，點知原來已經冇咗，改變主意，買返屋企食。

原來街市假期係好遲先開，我去到9點3左右，菜檔仲執緊嘢。好快買齊啲嘢，去拎埋外賣就返歸。

好味但太順手揀咗齋啡，其實我應該揀奶茶 _(:_」∠)_，食唔晒，剩低一塊熱香餅放雪櫃。

食完早餐，又煲咗陣劇，等某人醒咗食埋嘢用完厨房我就開工。

包晒豬肉餡仲有好多韮菜同餃子皮剩，食下嘢休息下先，順便解凍埋啲蝦。食完嘢就包埋蝦餡，仲有一札韮菜剩 _(:_」∠)_。

夜晚趁新鮮食餃子，今次又好似太多肥肉，下次要再調整下啲比例先。

晚餐之後食埋甜品，完美。