早晨係食垃圾



中間飲咗杯檸茶，其實呢個組合真係好削，點解啲人會鍾。我係覺得開始夏天，想飲啲清爽啲嘅嘢，冇加蜜糖嘅話根本飲唔落去。



1點左右就岀門，嗰陣時覺得自己大把時間，去到九龍站又覺得唔係好夠時間食嘢。於是決定去到戲院附近先咬個包，喺嗰啲地去當然就冇7仔OK啦，得啲high-class cafe。好彩啲職員都係講廣東話，免除尷尬對話。嘢食係真貴同普通，但環境唔錯，如果坐一個下晝，條數就抵返晒，可惜我真係醫肚，食完就走。

睇完戲，原本可以去圖書館 hea 也可以返屋企，但因為要做步兵，揀咗後者。返去屋企 hea 咗一個鐘又岀門，去到商場，突然間傾盆大雨，真係好誇張。好彩只係一陣，到我拎完外賣去搭巴士時已經停咗。