喺屋企望到個太陽咁金仲以為會好熱添，點知樓下有風，勁舒服，令人有個仲係春天嘅錯覺

今朝起身個水泡已經唔痛，太好了

---------- =u=V ----------

收工之後去街市買餸，平時幫襯開嗰幾檔居然都冇靚蘑菇，有幾合好瘦弱，買唔落手

百佳有，但原價 26.9 有啲貴，決定去埋惠康，如果冇就焗買貴嘢

估唔到俾我執到平貨，惠康 30 仲做緊買一送一，我仲買多 pack 雜菇

滿載而歸，唔知係咪因為尋晚唔夠瞓定太熱、太焗，行返屋企途中覺得好攰，驚會唔舒服，決定慢慢行返去

好彩頭先冇買埋雞肶菇，煮嘅時候發現太多，個大煎 pan 滿晒

太滿好難撈意粉，決定「不」起一啲先，意粉都烚得太多，淨係用咗 2/3，剩低嗰啲要雪起

洗完碗醃埋聽晚食嘅香茅豬扒，再將後晚食嘅雞翼拎岀來解凍

總算做晒所有嘢，已經係 8 點搭 9，好攰 _(:_」∠)_

沖埋涼，等緊洗衣機嘅時候入埋今日股票嘅交易先，有少少斬獲，開心