早餐

收工之後去吉之島巡視業務，行街之前食個晚餐先。$45，今時今日呢個價錢真係好抵，食到好飽，但味道就同佢價錢⼀樣，冇多冇少。

我居然喺吉之島買咗衫 😂，我諗起《下妻物語》。相反，我睇中嘅嘢就冇，我極度懷疑係上次眼花睇錯。我有買開野⼀款炸雞，⼀直都係得415g，上次我居然見到815g，但價錢係⼀樣喎。上次冇買，就諗住今次買，點知又得返415g。依家諗諗吓，又有乜可能重咗但價錢⼀樣呢 😂。

因為屋企得返⼀舊，所以最後都有買，也都買咗好多嘢，醬油團子好味依然。可能因為今日比之前遲咗，小巴居然好順利，3個字都冇已經上咗車涼冷氣。