一醒來已經係歐洲時間，凌晨 4 點幾食早餐，薯仔好難食，水汪汪既蛋也都不相伯仲

麵包反而幾好味，真係估佢唔到，喺香港有試過一次，覺得唔好食，估唔到飛機餐仲好食過麵包舖買既

呢下有啲似日本鄉下

喺法蘭克福轉機，過程只可以講完全感受到歐洲既節奏

由於呢個係大站，安檢大排長龍，開左好多 counter，但移動得好慢

然後去到過海關，我地呢條 non EU 條只係開左 3 定 4 個 counter，都係慢，中間有少少因為大家母語都唔係英文而來回左 2 轉

我地頭先仲行下行禁區，過晒安檢同海關先後知後覺時間真係唔多，下次真係一落機就搞晒ｄ轉機野先

都係鄉下

9 點 9 左右到布拉格

唉呀，啲膠又夠期啦，好彩有帶定啲繩來，可以加固

機場接送好順利同方便，我原先同個司機講話想喺機場唱少少散紙，俾佢制止左，佢話唔抵，同埋依家好多電子支付，所以唔需要太多現金，同埋車費都係用信用卡俾

於是我地就直接出左市區，第一感覺就係「嘩！好歐洲呀！」

特登揀左有 Lift 既 AirBnB，正

好大間好正

洗個面去個廁所，擺低啲野就正式開始行程，go go go！

行樓梯落去，順便望下出面係咩樣

佢地仲會用板冚住冷氣既室外機

AirBnB 附近就係跳舞的房子，就咁望真係唔知佢有咩特別既地方

真係好歐洲

估唔到第一餐係食港女 cafe，更多估唔到既係都有幾多大漢食同買嘢飲

雖然係 cafe，但好味，第一次飲 tonic espresso，勁好飲，歐洲呢幾日已經開始熱，凍飲真係拯救了我

呢張相真係影得好好

行去第一個景點

中間經過一個公園，入去裝下

望到遠處既條橋上面有好多人，唔通就係傳說中既查理大橋？

呢個人潮……係旅遊區……

明明岩岩先食完野，見到星巴克又想坐低 hea 下，可能天氣真係熱

天文鐘

附近兜下，影下相

見到間書店，買下 post card 同紀念品，事後睇返，最高質同最抵就係呢間

同埋呢張相係我成個行程最滿意既相，估唔到一出道即巔峰

參觀左 Týn教堂（Chrám Matky Boží před Týnem）

行返轉頭又經過果間書店

試左唔係出自布拉格但變左遊客必食既煙囪捲，真係莫名其妙，除左甜之外冇其他意見

再返返去天文鐘，再睇一次佢點郁，真係好多人……

5 點幾返左 AirBnB 休息下先

已經係夜晚 7 點半，天仲係好光

再感嘆，好歐洲

餐飯味道唔錯，應該話係想像中既味道

我地原先已經坐低左，點左餐一陣個侍應話有個大家庭，問我地肯唔肯換枱

唔知歐洲文化係點，呢啲事喺香港就成日發生既，所以我地好爽快咁應承左

又唔知係唔係因為我地咁合作，換來唔錯既服務，個侍應送餐既時候都笑笑口

餐後仲送左杯櫻桃味既酒過來，我試左，係咳藥水味既酒

就來 9 點，個天都仲係好光

食完喺附近行下，順便睇下有咩餐廳