終於都食到同終於都病好，個 full set 都真係好飽肚。

話說星期五開始有少少喉嚨痛，只係少少。收工之後個鼻有啲塞，少少鼻水，都只係少少。

到星期六6點就起咗身，好多鼻水，喉嚨再痛咗少少，又唔係話太嚴重。食完敏感藥舒服咗好多，到食埋午餐12點幾嘅時候，嘩，唔得勁眼瞓。頂唔順，1點半左右再瞓過。4點幾再起身，瞓完又舒服咗好多。夜晚例牌返阿媽度食飯。

星期日都係好早起身，8點左右，食咗早餐就做咗少少裁縫嘢，3點幾又覺得眼瞓🥱。又補下眠，其實瞓得唔係好淋，4點半左右起身，去超級市場採購。夜晚又早啲瞓，瞓夠8個鐘。

尋日仲有啲敏感，拿拿臨食返粒藥，好彩今日終於都好返晒。