個鐘好靚。

今日遲左好多起身，直接去食午餐。就喺我買左券上埋餐食緊既時候，見到有個男人買緊券。見佢搞左陣都買唔到，又好似有鬧部機，最後個店員出面幫佢買。有一刻有ｄ懷疑但又見佢衣著都好似正常咁，但ｄ行為又好似有ｄ異常。聽到佢自言自語，果然！佢居然坐我隔離！有ｄ擔心，但又諗起之前ｄ醫生話佢地大部分都冇攻擊傾向，於是我好冷靜咁，一邊食一邊密切留意住佢。我諗佢真係好肚餓，食得好快，跟住就走左。見到佢走，我同個店員都鬆左一口氣。BTW，個餐其實幾好食，係日本少有既濃味野。ｄ豬肉好淋同好入味，其他配料都唔錯。

唉呀，連續２日都中招買左熱飲，明明尋日先瀨野，今日又唔記得望清楚……唯有放入袋，買多罐凍既先。

永青文庫「長谷雄草紙」 (https://www.eiseibunko.com/end_exhibition/2023.html#2023aki)，對呢個展覽冇ｄ咩特別既印象。

跟住去左池袋行 Animate、書店同無印，有少少肚餓，決定提早食晚餐，5 點就食。

食完野又繼續行街，6 點半返到酒店附近殺入Doutor 食個甜品先。又收到店員既溫馨提示佢地就來閂門，但我望一望個錶，其實仲有大把時間。但我得一個人，真係純粹為左食，狂風掃落葉食完走人，大滿足。