早餐冇出去食

行過去上野公園

原本係想住呢間，位置原來唔錯

噢！不過我一早返左香港嚕

今日第一站係去国立西洋美術館睇「もうひとつの19世紀―ブーグロー、ミレイとアカデミーの画家たち」 (https://www.nmwa.go.jp/jp/exhibitions/2023painters.html)，絕對值回票價。

睇完展覽就過去日暮里行織維街，點知原來人地星期日休息，淨係得少量既鋪開緊。又要改行程，經過摩斯漢堡見到腸仔包幾吸引，決定提早食午餐。

估唔到有不愉快既經歷，俾個職員姐姐玩。話說我用初級日語來落 order，要 set。職員姐姐問我要咩 side dish 時我聽唔明，猶豫左一陣，跟住佢就講左 2、3 句野，我又聽唔明，跟住佢就唔等我，擅自決定唔要 side dish，變左唔係 set，問我係咪喺度食時也都改左做外賣。其實佢明我係聽唔明日文，知道我只係識勁簡單落單果 2 句野。最後，我仲聽到佢同佢同事笑呢件事，從佢地既表情你都明係咩事。餐廳中仲有 2 個講緊中文又聽得明日文既人，佢地好似都明白發生緊咩事。喺我俾完錢等緊餐，因為實在係有ｄ震驚，我仲消化緊發生咩事，果２個人就望左我 2 眼，喺係咪幫我之間猶豫緊。最後佢地都冇出手，我就拎住果個唔係我意思既外賣走左。

搵地方食外賣，經過谷中霊園

中間有個公園，天氣好好，坐低食都唔錯

食完就返返去上野，原來今日有文化祭，但實在係太多人，我冇去行

估唔到仲有消防解說，我同ｄ小朋友一齊睇，望住個雲梯一直上一直上，上到咁，我又同ｄ小朋友一齊「嘩」，哈哈，諗起都開心

經過見到周末真係好多人，好彩我來緊係閒日去

經過東京大學

甜到呀媽都唔認得

去左竹久夢二 美術館睇「明治・大正・昭和　レコードの時代と夢二の時代展　～大衆を魅了した日本近代の音とデザイン～」(https://www.yayoi-yumeji-museum.jp/yumeji/exhibition/past_detail.html?id=2307)。有少少失望，因為畫作唔多。而且個竹久夢二館有種好 hea 既感覺，同岡山果個完全冇得比。

諗諗下搞展覽都唔易，成日要有新搞作，同一個主角要不斷搵新主題。

跟住就去東京大學兜左個圈，周圍都係銀杏，係滿滿既屎味

上野公園呢幾棵樹真係好靚

4 點左右，食個都唔知係咪下午茶既餐，難得食到辣既咖哩，但味道好普通，食完就去左行街。

夜晚 7 點幾返到酒店，食左個便利店三文治輕晚餐

當然唔少得甜品