早餐係食便利店麵包

佢真係 keep 得好好

估唔到連炒飯都有。

ｄ銀杏開始黃，一開始我聞到陣屎味仲好擔心係咪自己，點知愈來愈大陣味。唔係好對路喎，一定唔係我，如果係狗屎冇理由成條都咁大陣味架，最後發現原來係ｄ白果……真係好臭，要小心翼翼咁行，唔好攝落鞋度。

天氣真係好正

唉呀，來之前唔記得左查下，雖然唔係星期一，但準備緊下一個展覽。

冇車直接到山種美術館，唯有行過去，又熱又遠。好彩途經個公園，洗左面又坐左陣，舒服左少少。

好普通既麵。

周圍似乎有幾間領事館。

睇完「日本画聖地巡礼」(https://www.yamatane-museum.jp/exh/2023/NihongaPilgrimage.html)，ｄ畫真係好靚，我最鐘意係東山魁夷。好多都想要買返屋企，買唔起，只好買幾張 postcard。

又俾張相呃左，和菓子深色左，冇咁靚。

因為行少左一個展覽，夜晚又約左香港朋友 K 在橫濱見面，決定早ｄ過去，行下神奈川県立歷史博物館。

行晒成個館先發現係應該由上到下咁行……

見仲有少少少少時間，行埋個日本丸先，個職員提醒我就來閂門。梗係冇問題啦，都係行一陣啫，而且我係用 PASS。

仲有張門票添。

第一次見到超豪車行喺條街度。

甜到呀媽都唔認得

會合朋友，去食お好焼き，自己整，估唔到又幾好玩同幾易整，味道又唔錯，幾好幾好。

食完就行下商場同超級市場，之前喺香港試左韓國香印，依家終於都可以試下日本香印。真係唔同ｄ，係好味ｄ，但也都冇果ｄ人講到咁正。要喺日本食，個性價比先岩，來到香港已經貴左好多。