呢本書已經買左好耐，一直都冇睇。我仲係好記得，當時仲o係係機場返工，見到商務書局減價既廣告，於是收工之後過左去買書。書面仲有當時既折扣 label，「85 折／滙豐信用卡 8 折」。好多書都好想買，但屋企真係冇位，最後買左佢同《大江大海》。

呢排因為搵工，勁多時間o係屋企，唔想自己諗咁多野，於是決定將買左好耐既書睇左佢，睇下有冇邊 d 係可以捐出去。

3 日左右就睇完呢本書，講真，其實睇書係真係可以好快，尤其係呢 d 非學術書籍，中間唔係好使停落來查字典，可以一直睇一直睇。

原本只係想打發下時間，估唔到o係當中又搵到少少安慰。

「

什麼是人生的幸福？每個人都可以有不同的想法。

我認為，一個人真正的幸福並不是待在光明之中。從遠處凝望光明，朝它奮力奔去，就在那拚命忘我的時間裡，才有人生真正的充實。

」

共勉之。