一堂說話課: 鍛鍊自己的大腦和嘴巴, 把自己推銷給全世界
世界のエリートが学んできた: 自分の考えを伝える力の授業

作者： 狩野未希
出版社： 如果出版
出版日期： 2015/07/23

圖書館索書號：195.1 4654

---------- =u=V ----------

係一本好適合我依家呢個狀態同背景（ tech 人 ）睇既書，教你點樣有條理咁講想講既野。

書既內容可以分為 2 大部分，第 1 個係點樣有效咁說明物件、人以及事件，第 2 個係點樣有效地同人溝通，包括喺會議或者討論會上。雖然我一開始想睇既「人」既部分，但睇晒成本書之後就發現萬變不離其中。

人的說明步驟：
1. 用一句話扼要定義 B 是甚麼人
2. 成長過程、學歷
3. 業績、職業歷練
4. 強項、特點

---------- =u=V ----------

雖然我仲搵緊工，但我可以講，喺過程當中我已經學到好多野。包括「自信！自信！自信！」同埋「雖然做 I.T. 係好攰，但真係唔可以偷懶」。一開始我以為 interview 時好緊張係因為英文問題，但我發現以我果個程度既爛鬼英文都過到 2 個 interview，其實都唔係話太差。最重要係，果啲外國人知你唔係 native speaker，都唔會對你有幾高既期望同埋會就住你講。

排除英文之外，另外一樣就真係冇得臨急抱佛腳，就係知識，有啲野可以惡補，但大部分都係要逐點遂點累積。如果你個腦入面根本係一片空白，咁你無論講野點叻，點都唔會答到啲問題。同大部分既習慣一樣，堅持日日做先係最困難，呢方面我真係要向各位排球少年學習。

仲有另外一樣好重要好重要既野，因為我喺準備 interview 時就已經好緊張，幾乎係一知道有 interview 就開始，我發現，「分心」係最好既方法。無論係落街行下定睇書都好，但就唔好坐喺度睇電視。落街既話，因為有其他野做緊，就會分心。睇書既話就再好啲，因為精神好集中，又可以惡補一下知識，可以話係一箭雙雕。而最差既就係睇電視，因為一定會忍唔住去諗起 interview 同埋會好有罪惡感，點解唔走去溫書而坐喺度睇電視等等，最後可能會更加緊張。

共勉之！