西班牙 Ham 芝士包，再加奶醬，唔，都係救唔返個包 🥲

沖茶既時候發生左罕見意外，直接將啲茶葉倒左落杯度，好在我多杯，再來過

明明雪櫃有條翠肉瓜，但因為唔想煮所以都係用左急凍粟米，有時懶起上來真係自己都嚇親

居然因為開 team meeting 而遲咗成個鐘先收工 _(:_」∠)_

返到屋企附近，先去譚仔買蒜泥白肉，我有個飯盒，同個收銀姐姐講：外賣既，我地放落個兜度

佢聽到好似有少少呆，跟住我再講：一個細既蒜泥白肉

收銀姐姐：仲有冇其他？我：冇啦，係咁多

佢一開始可能以為我想要用個兜來裝麵……

但佢個收銀系統係外賣自動加一蚊既，所以佢同我講：我照收你 $32，跟住俾返 $1 你呀

梗係冇問題啦

等外賣既時候去買蛋，拎完外賣就再去超級市場買公仔麵

好熱，真係好熱，原本想食麵同蒜泥白肉都決定放棄，轉食乳酪唔健康早餐，再蒸返條粟米

星期五真係好舒服～