突然之間見到雪櫃仲有仲有奶油包既奶油，仲要有 3 份，要食啦

食完早餐就去銀行，都幾多人，見到有㩒飛仔又有排櫃檯，睇左啲字都分唔到自己應該係去邊邊，決定排櫃檯

好慢，排左一個鐘左右，個櫃檯職員同我講其實係㩒飛仔，我㩒完，27 號，依家先整到 10 號

決定走人，出門口之前個姐姐問我係做乜，我話係開戶口，佢就問我：我地 1 點鐘就閂門架啦（果陣時係 12 點），你會唔會可以閒日過來呀，因為我地開戶平均每個人都要 1 個鐘，而你前面果啲全部都係開戶口既

我答佢：（閒日）唔得啦，我係想開大陸戶口，唔係香港既，不過都一樣要排啦（我意思係，冇咩分別）

有時啲政策話來就來，依家打搞埋我，麻煩

去買餸先，先去超級市場，再去街市，拎住好多野，再去多轉超級市場

熱熱熱，快快快，返屋企

喺屋企唞左好耐先降溫，終於都可以食蒜泥白肉

下晝整咗西式肉醬，夜晚例牌返呀媽度食飯

走時搭𨋢落去，有個男人㩒開門掣，我同 E 就冇去開門，反而等佢出門先

跟住佢突然之間好嬲，好大力咁用手打落度門度，仲要好似好痛咁，fing 左 fing 隻手

佢嬲可能係覺得我哋係等佢開門俾我哋，我係諗，有時啲人好心急，一㩒完掣就要即刻開門出去，如果我哋衝去開門，好大機會同佢撞埋一齊

我哋仲要驚佢會返轉頭鬧我哋，特登行慢啲，等佢行遠左先