食完個豐富嘅早餐就開始執房

由書櫃最下面嗰2個布箱開始，順便望⼀望入面有啲乜嘢。居然真係有驚喜，搵到我喺日本買嗰條長嘅 type c 2 type c 線，仲以為唔小心當垃圾咁掉咗添。

跟住就係書櫃上2層，原定最頂嗰層留咗啲空間，諗住會不斷添置「排隊少年」嘅嘢，點知鋪癮已經過咗，同埋放放下其他嘢，依家已經冇位。

依家就裝CD同「排隊少年」嘅嘢換位，第時攞CD就唔使再搬開架健身單車。

好攰 🥱，休息⼀陣先再執衣櫃。

因為舊年啲秋季衫都冇收起，所以依家只係換位，將啲短袖衫放入面，長袖衫放岀面。淨係將所有衫拎晒出嚟已經好攰，做下停下，中間又食下嘢。

真係好攰，依家秋天愈來愈遲岀現，我懷疑以後係唔使再換季，唔知消失嘅會係冬天定係秋天先。