好耐無睇港產片，睇完之後覺得港產片同Nokia一樣，令人擔心。曾幾何時嘅輝煌，而且變咗小眾玩意。

李致庭好green（唔知喺《歲月神偷》入面係咪有較精彩嘅演出），然後我諗，到底有邊個係可以飾演呢個角色，但我諗唔到。香港好似已經無咗呢一個年齡層嘅演員，真係令人憂心。

總括來講，中上，劇情算緊湊，但支節位太多，去到尾段有D鬆散。果然取捨是一件難事，我諗每一個初出道既導演都會想表達好多野（講真，O係香港，都唔知仲有無第二部），到後來愈拍愈多（如果真係有機會），就會識得「捉到鹿，脫到角」。O係我眼中，當然ENDING都有少少多左喇。

睇完之後，諗一諗，原來我上一部睇既港產片已經係《春嬌與志明》，半年之前。有一種睇返電影既感覺，睇電影果然係一件開心既事，自從返左呢份左，同埋無左學生優惠之後，真係好少睇戲，希望可以多D時間睇戲，當然有無戲睇又係另外一件事喇。