早餐係食連鎖

車站設計都唔錯

見到張海報，決定納入行程。

今日第一個行程係去東京國立近代美術館睇「生誕120年　棟方志功展　メイキング・オブ・ムナカタ」(https://www.momat.go.jp/exhibitions/553)，果然近代藝術好難明。

個人最鍾意另外一個展覽既作品，喺東山魁夷既三幅作品中揀左最似依家季節（秋天黃葉）既 postcard，仲有一幅係紅葉，但太紅……

睇來ｄ聲優都有ｄ吸引力。睇完展覽，唔係好睇得明現代藝術。

對面係皇居。

行過去神保町，撞正食飯時間，天氣又勁熱，好在最後搵到間有位既拉麵店。個職員好似有ｄ驚訝有個旅客入左間餐廳，我一入到去都有ｄ緊張。間餐廳好細，得６個位左右，有ｄ壓力。

頂住壓力，相機食先，同場有個日本人都係。日本ｄ電話冇得靜音，佢影相果下「咔」一聲，間餐廳有ｄ靜，聽到呢下聲，我突然之間好放鬆。唔理其他人既目光同規則，自己想點食就點食，好味！

下晝所有行程都係神保町，第一站係出名既街頭二手書店，見到本同香港有關既書。

行左幾間書店之後，中場去左岩波書店食左個下午茶。

喺東京堂有台灣香港既 Corner，估唔到我有斬獲，買左本香港已經搵唔到，而有日文版既《守望香港》。

好多舊書店都好正，以後一個人來東京都會再來。

終於食到天婦羅，好味！

最後係我好享受既「酒店．甜品．電視」時間。