8 點幾醒咗，早餐係清廚餘

睇咗陣書洗完碗就開始整撻

當我拎啲酥皮出嚟解凍嘅時候，勁震驚 😱，原來唔係之前買嗰隻 Puff 酥皮，而係 Filo

再睇多次個包裝，佢係有寫 Filo Pastry，但我淨係識 Pastry，同埋以為世界上得一款酥皮

用咗啲時間先接受到呢樣嘢，跟住就 Google 呢舊嘢點用，好誇張，要逐張搽牛油

一共有 22 張，我分咗 9 份，咸嘅咖哩雞肉淨係整到 7 個批，剩低嗰 2 張點算好

咁啱 E 醒咗，翻熱啲山西刀削麵，食咗午餐先再算啦

求其啦，用之前整嘅李果 jam 再加提子做甜點，最後係做咗 4 個甜批，於是屋企突然之間多咗好多酥皮嘢

好攰，休息咗一陣又要煮晚餐，好彩啲蓮藕係切好晒嘅，貴一貴都值，仲要其實份量都幾多下

煮完食完洗埋碗食埋生果就沖涼，唔得，真係要休息下，坐咗陣之後就燙衫

忙咗成日，勁攰⋯⋯說好的好好休息呢⋯⋯