9 點幾起身，冇乜胃口，10 點半先食早餐

下晝做咗少少園藝嘢，將 2 個花盆底嘅立體網格墊拎出來，同加咗泥

傍晚就同 E 出荃灣，佢要退 4 張單嘅貨，好重，要 2 個人一齊抬過去

試咗名店鳳嗚居，我哋完美避開人潮，6 點未到，順利入座，正

雞就冇乜雞味，但勁嫩，湯底唔錯，係略為甜咗少少

食完就去飲霸王茶姬，好似係第一次飲，杯嘢好複雜，有啡有茶有奶蓋，味道就一言難盡

坐咗陣就去行街，然後就去吉之島買餸，因為唔想聽日出街，所以貴一貴都喺度買齊所有嘢

今日真係大滿足，又試到 J 推薦嘅餐廳，又行咗街

連續 2 日的都出咗街，聽日要留喺屋企好好休息先得，3 日的假期真係超正