食完早餐就睇 Netflix，睇咗最新一集嘅《葬送的芙莉蓮》同《咒術迴戰》。

本身係打算去吉之島，hea 下 hea 下唔想岀門，冇去到。冇岀街又唔想覺得自己太懶，於是啲起心肝補鞋，點知喺日本城買嗰支膠勁廢，完全唔掂，下次返屋企時拎返占嗰支再試。

1點4、5個字岀門，去街市順便買下午茶。勁快買完嘢，仲有2個字先到2點⋯⋯企下，on the dot 即刻 refresh menu，2點2分落完單！

諗住冇咁快有得拎，去行下大生先，買完咖啡粉再去大家樂望下，已經有得拎。嗰陣時只係2點10分，我懷疑我係第1個落柯打。

返到屋企食完外賣又岀門，諗住去超級市場大肆採購，點知好多嘢都冇減價，買咗少少嘢同掃咗3條廁紙。

到5點搭7就開始準備晚餐，今日好俾心機整，暫時係目前最好食嘅章魚肉餅。