低估咗天氣，收工之後過荔枝角，未夠鐘，喺條街度兜圈，已經覺得有少少凍。明明前幾日OT收工之後都唔覺得凍，以為今日都係咁，點知⋯⋯

上到去party room，冷氣又好夠，食完嘢都仲係覺得有啲凍，好在有嗌甜品，食返啲暖笠笠嘅嘢舒服咗少少。

又係我最鍾意嘅4方城，打咗4圈，12點3左右就返屋企，佢哋繼續玩。



落到街，真係凍，好彩屋企夠近，好快就返到屋企，沖返個熱水涼舒服晒。覺得真係涼咗少少，夜晚瞓覺嘅時候都要加返張薄氊。