E 今日換季，執咗成日衫，我冇埞企，唯有燙下衫。
Hea hea 下覺得好攰，我覺得係因為尋日嘅敏感藥，於是直接瞓晏覺。
瞓到4點半左右先捨得起身去買餸，但買得太盡興，遲咗返去，5點9先到屋企。
因為夜晚係食冬蔭功，要拆雞同壓力煲，時間都真係有啲掹。但我都有策略，首先切左蕃茄同放水去煲先，因為升溫係用得最多時間嘅。趁佢煲緊我就切切切，處理個湯包，放埋落去煲。好，最後一步係拆雞，雞髀、雞翼、雞脚同雞架，總之有骨嘅都放落去煲湯。雞胸同雞柳就拆咗岀來，留返下次煮餸用，但通常都係我用咗來帶飯。
食完飯，洗咗一推嘢，醃埋聽晚嘅排骨就收工啦。好在下晝燙咗衫，夜晚就冇其他嘢要做 ٩(˃̶͈̀௰˂̶͈́)و。
今日仲試埋呢款提子，好食，細細粒嘅，又爽又甜，介紹埋俾阿媽。