8點幾就醒咗，因為要睇戲，所以冇再瞓落去。

早餐係食厨餘 😂，係前幾日嘅西式焗咖哩牛，加埋泡菜落去炒，再加隻溏心蛋，完美。



食完就換季，收埋啲夏天衫，啲冬天衫散到一床都係。但又夠鐘岀門，返嚟先執。

睇完戲食埋下午茶就即刻返屋企，毫無留戀，依家真係連街都唔想行 🥲。



返到屋企就開始執執執，原本以為好快搞掂，點知到6點先執完。我真係有好多衫，有10 set 咁多，唔知今個冬天輪到幾多次。

夜晚例牌返阿媽度食飯，順便攞埋張羊毛被返去。

再次挑戰食蟹，今次食咗敏感藥先。但最後都係失敗咗，個肚都係唔係舒服，但痾完就舒服好多。