話說之前係諗住食埋最後一個 muffin 佢，下星期食新包，清厨餘最開心。但尋日又想岀去食早餐，又可以早啲返到公司，早啲收工。

點知！點知！今朝起身時勁大雨，某人即刻重洗咗一啲衫，叫我走之前打開洗衣機蓋。我見咁大雨，依家岀門應該濕硬。所以最後都係食 muffin 😂，仲要係勁邪惡，加咗一 pat 榛子醬 😌。

到岀門時，真係冇雨，但行行下又大返 (╯‵□′)╯︵┻━┻。褲腳都係濕濕哋，袜就好似冇濕到，返到公司先 check。

冇得早放，5點2準時收工，又差啲條件反射去地鐵站。巴士未到中環已經滿座，好彩我個站前，每次都有位坐。