瞓到差唔多10點，大滿足。明明要剪頭髮，起身之後勁 reluctant，一諗起岀面勁熱，一岀門就會成身汗，就唔想岀去。如是者，玩咗陣電子奶嘴 😏，突然覺得咁樣唔好。

唔知係咪玩得電話太多，端午節嗰日朝早醒過一次，覺得左手有少少奇怪，但冇理到，繼續瞓。起身之後發現真係有問題，同幾年前一樣，個大拇指條筯勁硬，真係似手機手。老實講，我真係唔覺自己係用電話多到會有手機手，可能我左手真係渣啲啩。呢排我盡量減少用手機，方法之一就係岀街，因為留喺屋企就會用。

剪完頭髮就岀發，先去食嘢先，唔好食 🥲，係又酸又甜又咸嘅濕河。



好快行完商場，其實主要係行誠品，就過吉之島，回程時去街市買埋餸。夜晚係久違了的蜆肉絲瓜豬肉湯，鮮甜好味。話說我去買豬肉時同個豬肉佬講係滾湯用，佢問我：食唔食㗎？我呆咗：吓？佢再問：食唔食湯渣㗎？梗係食啦，乜依家啲人咁富貴，唔食滾湯啲豬肉㗎？



今日岀一岀街，原來都有5個鐘 🤔。