一開始睇咗陣，好驚佢係《門徙》+《Breaking bad》，好彩最後都係一個尚算完整嘅故事。導演處理動作場面有待改進，搞到我一路睇一路喺度諗，如果呢一幕係杜 Sir 拍會係點。但稍為靜態嘅場境就拍得幾好，服裝同美指都心思。我最鍾意係結尾貨櫃嘅 Kiss 戲，並且認為如果喺嗰幕完結就啱啱好，學校嗰幕反而多咗少少。

成套戲我最唔滿意嘅就係由關智斌飾演嘅傅餘浪，可能係因為英皇電影嘅關係，要用關智斌，睇得出佢係好努力「演」緊，而且有啲吃力。由於角色設定係 ABC, 我認為起用一個真正嘅 ABC 會比較好，例如尹子維或吳彥祖等。