下晝攞咗假，要去銀行整啲嘢，㩒完飛仔，前面仲有 2x 個人 😵

試咗花椒乜乜乜，唔錯唔錯

吃完返返去，個號碼居然冇郁過，CLS

坐喺度等嘅時候，聽到佢哋仲要去另外一間銀行⋯⋯

我由1點搭8開始等，等到5點銀行夠鐘閂門，啲人走晒，先有機會，真係好恐怖

因為太悶，我中間仲去行左百佳同759，如果唔係因為太重，我仲想買埋生果

最後行出銀行時已經係6點，行晒雷，好彩雨就唔係好大

快快行返屋企附近先，返去之前去一轉超級市場，買星期日晚既菜同生果

由於全日都淨係坐，冇乜點郁過，中間又飲咗罐牛奶咖啡，好頂肚

夜晚完全唔肚餓，所以都冇煮嘢食，連甜品都冇食，淨係食左生果