原先係想去一間網紅三文治早餐店，點知勁多人，樓上雖然有位，仲勁大陣廁所味，果斷轉場

最後去咗星巴克，J 係想食熱嘅早餐，但佢揀嗰個三文治冇得加熱，聽佢講勁難食

今日嘅主要節目係聽講好好玩嘅滑車，我哋官網買咗飛，所以直接去排纜車

就來到我哋，戴定安全帽先

唔知係因為太多人定因為天氣熱定因為韓國人本身性格係咁，啲職員勁惡，係咁喝啲遊客

全程淨係講「 quick qucik quick」，好似趕鴨仔咁，「you here you here you here」

排我哋前面果組人坐咗上纜車之後自拍，個職員即刻鬧佢哋「no photo」

我覺得佢哋淨係想你哋快啲玩完快啲走，唔想你哋跌電話又要佢哋執返，而我哋又真係見到個安全網有部電話

上到去，第一次玩係會有個教學，啲職員都係得個惡字

我哋玩咗一圈，覺得的確係好玩，決定再玩一次

於是就發生咗成個旅程我最嬲嘅事，第二次我落到去，由於前面仲有車，所以我就未駛到終點（我估係綠色位）就落車

跟住最不可思議嘅事發生啦，個職員居然指住我來鬧，話我 2 次都唔駛到終點就落車，我估係黃黑位置，我真係 O 晒咀，諗住上返車駛返去終點，佢又唔俾

然後仲要再鬧，我真係佛都有火，心諗，你老味，做乜撚嘢，你哋明明乜指示都冇俾，仲要鬧啲客，應該搵個人企喺黃黑線叫啲人繼續向前駛呀嘛

嗰吓我真係忍咭到，同佢理論：the previous car stucks, so I cannot move on，佢好似估唔到我會反駁，都係重複我冇駛到終點，我於再重複一次，唔係我唔想，而係前面個人頂住咗，仲加咗句：it's not my fault，冇理到佢就走咗去

你老味，你哋全程淨係叫人「 quick qucik quick」，我咪以為你哋會想盡快收返架車囉，點知你哋又唔開心，屌你啦

好明顯係公司應付唔到呢個人流，啲員工做到躁晒，又將啲火發喺旅客身上，我果陣時真係勁嬲，咁大個人都冇試過咁樣俾人指住來鬧

再諗起呢件事都仲嬲，同埋覺得自己當時還擊係啱嘅，如果唔出聲佢哋就會恰你，更加睇唔起你

同埋我應該同佢解釋，我覺得你哋係想啲人盡快落車所以我先咁做，下次我一定要再解釋點解我要咁樣做

雖然買咗 3 圈嘅飛，但我哋唔想再排隊，所以決定唔再玩

其實個樂園仲有其他刺激嘅遊戲，我哋見到有啲似係只係小學生嘅人同屋企人一齊玩笨豬跳，好勇

烈日當空，行到隔離個 outlet，飲杯凍飲休息下先

喺 outlet 兜咗個圈，我覺得好悶，全部都係賣衫，一間家品／文具都冇，好在有家樂天超級市場行吓

好耐冇做水魚 lu，又冇話特別嬲嘅，去得遊客區就預咗，只係覺得好可惜，居然將啲可以整到好好食嘅扇具煮到咁難食，嘥晒啲海鮮

食完就去青沙浦踏石觀景臺

向下望都幾驚吓

下面仲有人釣魚

原先係想搭呢架貴啲嘅包廂，但賣晒

搭咗下層呢款

出咗車站，又去雪糕店 hea 吓，不過唔好食

時間有啲早，又已經冇乜地方可以去，最後 J 同 E 好唔願意咁去咗我想去嘅東盟文化館

我哋對歐美都算係認識，反而對亞洲嘅了解真係好少，去了解吓都好呀

參觀完就出返去市區，我哋成個旅程都冇幫襯過呢啲攤檔

夜晚再再再食燒肉，今次係店家燒完先上菜，但唔好食，太熟