今日都係8點就醒左，因為想夜晚瞓得好啲，都係起身活動啦

早餐係食鬆餅，個李子果 jam 麻麻，太酸，決定下次再食時直接加糖

食完早餐就睇 Netflix 同睇左陣書，跟住就出門，主要係想去剪頭髮

唔使等，一去到就有得剪，好嘢，跟住就去行文具舖，想買八達通套，原來選擇咁少，揀唔到

決定去埋百貨公司，都係一樣唔多款

見到10幾分鐘之後有車，極速去超級市場買左支沙律醬，再上返去文具舖買返第一次睇中嘅八達通套

可能因為天氣熱，返到屋企覺得有啲肚餓，煮麵食，再來多個飯後甜品—— donut，大滿足

下晝好眼瞓，好眼瞓，撐住冇瞓，希望今晚可以早啲瞓著

5點半就開始煮晚餐，比平時早咗半個鐘

夜晚10點就瞓