早餐係食 pizza，再試勁濃咖啡溝橙汁同汽泡水，唔，同尋日差唔多 🤔

下晝就做下正經嘢又執下嘢，夜晚就返阿媽度食飯

本身喺阿媽度已經食咗甜品，返到屋企都唔係話肚餓，但就好想食埋個奶油包

難得 3 日長假期（其實完全冇關係 ( ･᷄ὢ･᷅ )），就盡興一次啦

沖涼之前就焗定，一沖好就食，有啲燶⋯⋯不過呢個包嘅重點從來都係 pat cream，所以好味

次次沖完涼都勁熱，呢個時候飲凍啡真係好爽

三試咖啡橙汁，由於係夜晚，呢杯係低咖啡因即溶咖啡，一定冇咖啡粉沖岀來咁濃

最後結論！咖啡同橙汁都有問題，有機會係關濃縮橙汁事，佢個苦味好岀，冇新鮮橙汁嗰種甜味

懷疑係因為本身係用來溝嘢用，如果另外一樣嘢本身有糖，咁就變咗勁甜，冇得調節？

唉，依家仲有成支濃縮橙汁，點用好 凸^-^凸