8 點幾就醒左，早餐係食冬蔭功撈麵同粟米，好辣好辣，好彩有杯奶茶解下辣

原來打算去銀行，Google 完發現唔係好 work，都係取消計劃

睇左陣 Netflix 又睇左陣書

我覺得人類既潛能係無限既，為左消滅啲麥皮，我決定將佢整成健康零食

除左麥皮，仲加左雜果仁、少量果乾、可可粉、極少量既肉桂粉糖、麥芽糖同少少鹽

自己整既好處絕對係控制個甜度同清廚餘，發現麥芽糖原來真係唔甜，好神奇

某人去行街，我落柯打，佢拎返來，食既時候已經 2 點半，好味

食完野我就去超級市場，好期待個濃縮橙汁，夏日用來沖咖啡好似唔錯，又可以溝淡依家果款勁苦既濃縮咖啡

呢個就係假期日常，去完超級市場順便去麵包鋪買特價麵包

返到屋企將啲野食放落雪櫃先，跟住就換衫同執埋廁紙果啲，估唔到咁多野都放得落，仲要空間岩岩好，好治癒

跟住就沖咖啡，唔好飲，搞到我仲鬼死咁期待

可能呢款咖啡粉真係太苦，再加埋橙汁既苦、酸同甜，只可以講，人生真係好複雜……