尋晚凌晨 4 點先瞓，較左 10 點既鬧鐘，但最後 11 點先起身

早餐係傳說中既 overnight oats，尋晚落左大生買既日本朱古力同牛奶

食之前放埋即溶咖啡同香蕉先，天氣開始熱，呢個涼浸浸既早餐比我想像中好食

佢最正係冚左過熟既蕉味，仲有一條皇帝蕉，放埋落去先，又飽肚又好味

食完早餐就睇左 Netflix，1 點就出門剪頭髮，快剪今日休息，唯有去髮型屋

我之前有去過整負離子同剪過頭髮，間唔中都會撞到個（疑似）老細，尤其係星期六日，有時佢落去食煙，有時我去超級市場

如果佢認得我，應該都見過我去快剪，可能佢都知我係因為快剪休息而幫襯佢，今日洗頭連剪 9 個未都唔使，正

剪完頭髮就去超級市場，淨係帶左個快餐店膠袋去，最後要左手攬住 2 條面紙，右手揪多一條再加擺滿野既膠袋

成堆野都幾重下，估唔到我入大廈時前面個師奶明明望到我咁樣都唔幫我 hold 住度門，自己就咁入左去，好彩我仲有腳頂一頂

返屋企放低啲野，拎埋環保袋同風扇就再出門買餸同下午茶，買完再去多轉超級市場

第一轉見到台灣金鑽鳳梨，熟度岩岩好既得 2 個細細個既，諗住去街市望下有冇平少少，點知冇，唯有返屋企之前再去買

返到屋企就食下午茶，食完 hea 左陣又要開始做野，執野洗碗，跟住就燙衫

到 5 點 3 左右就準備晚餐，食完再 pack 埋飯盒，切埋個鳳梨就做晒今日要做既野啦

個鳳梨呢，聞落係好香既，但唔係好甜，仲有啲酸酸地添

好彩我冇買 2 個，話說喺超級市場仲有一個熟度差唔多，仲諗住如果呢個好味，聽日就去買埋果個添，睇來唔使啦

沖完涼，E 焗左同下午茶一齊買既葡撻，幾好味，呢個假期叫做有個唔錯既收尾啦