10 點未到就起咗身，尋晚嗰餐真係太飽，一直到點幾先有少少肚餓，一於煮麵食，配菜好豐富。

中間嗰段時間就喺度研究條灰色裙，車咗條隱形拉鍊，但之後就唔知點搞，點整都好似唔係好靚，決定都係收埋佢，擇日再戰。

晚餐係食雞粥，好味，係咸咗少少🤏啫。

今日好勁，K.O. 咗 4 篇歐洲 blog，仲有一半 💪。估唔到呢個假期會咁有耐性，上次新年長假想開始，點知淨係寫咗一篇就收咗皮 🤷‍♀️。

聽日就係假期嘅最後一日，想聽晚易啲瞓，決定今晚遲啲瞓，聽日早啲起身，所以依家凌晨 3:30 先準備瞓覺。見到附近都有啲夜貓，睇嚟大家都仲享受緊最後嘅假期。