尋晚唔係好瞓得著，唔知同 3 點幾先飲咖啡定係同飲左茶有關，最後我諗係點幾先瞓著。

今朝就去左麥當當食早餐，尋晚已經買券，原來係冇熱香餅餐，一來就加錢買珍寶套餐。而我原本係想食熱香餅，唔知發左咩神經，最後係食左炒雙蛋火腿堡，其實都係我鍾意食既野來，只係我唔明點解自己果陣時唔食熱香餅，明明我既目的係熱香餅，好迷。

話說之前有一日收工太心急，地鐵入閘時條 earphone 線拉左下，呢幾日開始出現問題，成日跳歌，播播下又會突然之間停左。為左分辨到底係 lightning 轉 3.5 mm jack 定係真係 earphone 問題，星期五換左公司既 Sony 線，跟住返屋企搭巴士時一聽，咦，ｄ聲咁好既。今日返到公司就試 2 條唔同既線聽同一首歌，原來真係聽得出有分別，而 Sony 的確係好ｄ……