天文台尋晚預告今日 14:20 掛 8 號波，冇帶飯盒返工，早餐食飽ｄ頂一頂。個包食到一半，覺得唔係好頂到，好飽呀……但好彩我食晒成個包，因為真係好遲收工，成點鐘先走得。

由於啲人瘋狂採購，尋日連薑都買唔到，我諗住返到公司附近等到 8 點再去睇下超級市場有冇。好彩突然間醒起，地鐵站附近咪有街市囉，然後一穿過巷仔就見到有間佳寶，又啱啱得返一包薑，lucky。因為打風，好多人包括菲律賓家傭岀來買嘢，都要排一陣隊先俾到錢。

返到屋企附近去買左ｄ零食同奶茶，仲去左轉超級市場。超市入返ｄ菜，有好多椰菜、生菜、西蘭花同胡蘿蔔等等擺得既菜。

因為驚停電停水，我地都係咁易儲左ｄ水，將屋企可以叉電既野都叉晒先。

夜晚就 support deployment，估唔到今次咁快，打亂左我煮飯既節奏。煮煮下野要停低 check 野，check 完先再繼續煮……