---------- =u=V ----------

諗打風有幾日要食屋企野，有機會就食下街ｄ野先，一如以往地咸……同事 A 話佢好多味精，我本來都唔覺，但下晝又真係好口渴，睇下係真既。

打風前夕，啲人瘋狂採購，好誇張。其實一、二日冇菜同生果食都唔會點啫，使唔使咁恐慌呀。

阿媽話幫我買菜同生果，我話唔使，啲生果咁重，搭巴士拎上拎落好唔方便。點知佢都係買咗格硬放低俾我，仲要係夏天好難食嘅菜芯。不過我最嬲嘅係，我話咗唔使其實真係唔使，點解佢哋總係要咁，我係覺得唔受尊重。唉，算啦，講極都唔聽。

中午去公司附近嘅超級市場諗住買香料同茶，又真係有小豆蒄夾，但啲人多到我怕怕，最後係收工之後成功買到。

返到屋企又去下超級市場，啲菜真係俾人掃晒，剩低2棵西芹，其中一棵仲要係爛嘅。但我唔明點解薑都會冇晒，莫名其妙。