個湯好淡，唔好食

今日用日式調理磚整咗波仔——日式奶油燉菜，試味時係覺得唔錯嘅。煮時聞落好重牛油味同太甜，我相信係勁多糖嘅，下次可能自己煮個麵撈會好啲 🤔。

夜晚照舊返阿媽度食飯，估唔到來回都冇雨。係我食完飯落去商場買零食嗰下幾大雨，都幾多人去掃零食同乾糧嗰啲，我相信大家都預咗聽日會成日喺屋企。

見到啲人買杯麵又或者係公仔麵，我之前都唔係好明，覺得「只係一日啫，使唔使呀？」。依家我覺得其實係一種 mood，同打風落酒樓飲茶或者約打牌一樣。冇得岀街，岀面又落住雨，天色昏昏暗暗，喺屋企整個平時比較難整來做早餐嘅餐蛋麵都正嘅。