啱啱喺麥記食完個全餐，但唔記得影低。

薯餅、熱香餅同豬柳蛋漢堡配齋啡。對我來講佢係有喺意義，佢再次提醒我牙嘅重要。

經過一星期牙嘅酸痛同痱滋嘅發炎腫痛，今日！終於！可以！正常！用晒2邊咬嘢。雖然之前我都預咗會有一段短時間食嘢方面會有啲唔方便，也都知道好快會過。但當你身處其中，每日3餐要慢慢、就住來食嘢，又要小心唔好咬親條脷（其實已經咬咗2次），真係好唔舒暢

可以大吃大喝嘅日子終於都返來 *\(^o^)/*。

BTW，個早餐真係好飽，飽到我搭地鐵時個背囊攞喺前面都覺得壓到好唔舒服。如果係以前我一定唔理，依家就驚驚，都唔知會唔會搞到想嘔，都係單肩揹算。

---------- =u=V ----------

因為陰天想落雨咁嘅樣，收工之後都係急急脚返屋企。

只係一個禮拜，感覺整牙已經上個世紀嘅事。終於可以盡情食嘢，好開心。個呢個晚餐同早餐一樣，太飽 _(:_」∠)_。