今年第一糭，好味，但生咗少少，下次再蒸耐先食。

4點半左右，食埋蕃薯就去超級市場採購。

張$350券減$20今日最後一日，一路買都有計住，估唔到係咁啱啱好。

執多盒茶包，最後其實係有突嘅，但見到齊頭嗰下真係勁開心。

今次去超級市場仲有個驚喜，我哋飲開嘅港式奶茶茶包之後大減價，由46減到37。但呢間超級市好快已經冇貨，我嗰陣時仲覺得呢區啲人真係有錢，減少少已經俾人掃晒。最後我喺阿媽附近間超級市場買咗5盒。

直至今日我發現唔係賣晒，而係直接去咗減價貨架，仲要再半價，$18有交易，笑死。6月過期，唔緊要，照掃，反正茶包過期都唔會點。