早餐。

一收工就過尖沙咀，但好險，收工前先完成工作，估唔到會係咁，我諗我今次真係準備不足，唉，又犯左錯，下次寫 code 都係唔好太投入，要用返ｄ時間來準備 deployment 先得。

去到尖沙咀都仲好早，行下吉之島，跟住去食壽司。

食完晚餐一行３人就去睇錶，睇來大家既品味真係差好遠，佢地覺得靚既我麻麻。買唔成錶就行下商場，９點幾先諗住去飲杯野，去文化中心碰下運氣。

果然，人地已經拉起線準備收工了。見到一堆人排隊，原來係電影節，我今年都冇乜留意，理所當然地一部戲都冇睇。有ｄ懷念睇９點半場既電影，最近一次應該係疫情後睇畫相關果輪。

行過去半島等巴士，一睇ａｐｐ，要１３分鐘之後先有車，咁不如搭地鐵啦，ｊ就去荔枝角轉車。

喺行返屋企既途中，我諗住去便利店睇下有咩甜品，點知珍珠奶茶店仲開緊。難得長假期開始，就放任一次，瞓唔著就瞓唔著啦，點知最後順利入睡。畢竟都返左一日工再行街，午餐之後都冇吸收過咖啡因，奶茶也都只係飲左半杯，輕鬆入睡都不無道理。