早餐都係食厨餘🥲。

今日返工過得幾好，全日都好專心咁 dev，好爽。

收工之後過咗葵芳，晚餐係食天婦羅。

本身個肚有少少脹，再食埋呢個「飽」餐就更加脹，係脹到唔舒服嗰款，下次都係唔好食咁多。本身都身體欠佳，再加上呢個平時1.5倍嘅份量，個肚脹到瞓覺前都仲脹緊。

食完飯就去睇錶，左邊嗰隻簡簡單單幾好但太大，我也都麻麻地球面，右邊嗰隻就好似深沈咗少少。

最後就冇買到，但就換咗鐵達時嘅皮錶帶，依家呢條係網上買。其中一個細嘅皮圈已經甩咗岀來，應該係膠水到期，但只係買咗幾年，仲要唔係成日用隻隻錶。依家換條舖頭買嘅，價錢仲要多一倍，睇下最後用到幾耐先。

下一部就去 U 記拎網上買嘅衫，估唔到退貨係要自費寄過去倉，真 PK。

拎完嘢就搭巴士返歸。