自然醒，今日有任務，醒咗之後冇再瞓返。

電話要叉夠電先岀街，喺屋企整下呢樣整下嗰樣，最後都要9個字之後先岀門。

去茶記食個靚早餐先。啲人真係好煩，繁忙時間梗係要搭枱㗎啦，有個人坐咗喺四人枱，見我坐低佢郁都唔郁坐正中間，搞到我要坐邊邊食嘢。好彩我摩打手，又唔㩒電話，極速食完走人。

去拎護照先，拎完就可以準備台灣之旅 ٩(˃̶͈̀௰˂̶͈́)و。

好順利，拎完就去吉之島採購。知道附近有一間，但估唔到係咁近，行一個街口就到。再去 Donki 買埋新年嘅咸零食，滿載而歸。

個背囊超載有啲重，但都想一次過買晒啲嘢，所以再買埋餸先返屋企。

返到屋企就煮埋波仔，夜晚就返屋企食飯。雖然中午買咗好多嘢，都係有嘢漏咗，去搭巴士時買埋，順便買埋超靚車厘子俾阿媽。