再甩鞋底，真係估佢唔到，好彩我已經返到公司附近。拖下拖下去 7 仔買支 AA 膠，拖下拖下返公司。

跟住就喺公司搞咗 3 個字，好似 okay，但一開始都係驚佢再甩，因為公司對後備鞋喺第一次甩鞋底時著咗返屋企。如果喺公司再甩就尷尬了，雖然見到其他同事有酒店拖鞋，但已經著過，我有著袜，但問人借都總係感覺唔係咁衛生。

好彩最後都安全度過，返屋企時都冇平時咁快，好多時都要特登遞高少少隻腳，成個動作好唔順暢。