早餐食咗好多嘢，首先係翠肉瓜五香肉丁炒飯，😂，原本係某日嘅晚餐菜式，但 E 喉嚨痛冇煮到，又買咗翠肉瓜，唯有假期炒咗佢。總體來講係好食嘅，係翠肉瓜淡咗少少，同飯唔夠多，唔過癮。一次過煮晒 2 條翠肉瓜，3人份量，E 起身之後都食佢，剩低嗰啲就帶飯，加多2份菜，健康 ٩(˃̶͈̀௰˂̶͈́)و。

食完咸嘢飲埋奶啡，再食埋甜品——蕃薯，大滿足。

E 擺咗聖誕裝飾岀來，幾好。

下晝就岀咗街，食下午茶兼睇戲。個市真係好淡靜，週末食下午茶居然仲有大把位，商場好多人行街，但比較以前真係差得遠。