9點未到俾樓下工程聲吵醒咗，早餐食煎餃咖啡。

Hea 咗陣 E 都醒埋，等佢食咗嘢就做佢下手，幫佢遞嘢。佢拆咗抽氣扇落來，睇下有咩問題，搞完一輪原來係個遥控 short 咗。一開就又開又閂，搞到抽氣扇都又開又閂。突然搵到主因，唔使換抽氣扇，又慳返幾百蚊，好貴㗎原來。

一直忙到差唔多3點，真肚餓，煮個撈麵食先。嘩，啲味道真係一言難盡，唔上唔落，唔係咸，有啲甜，但又好單調。因為唔想嘥嘢食晒，有種只為果腹嘅生存感。

4點就算鬧鐘響咗都唔想郁，到搭3先起身，換衫岀太子拎蛋糕。順便巡視業務，點知15分鐘都冇就行完街，好似有啲早，行埋超級市場先走。跟住就返屋企食飯。