食完早晨，hea 到巴士班次啱就岀門。

先去深水埗買線，順便去行下布街。

跟住就由深水埗⼀路行過去花墟，之前棵紫羅蘭熱死咗，依家天氣終於涼返，可以買過棵新嘅。

上面係幫某人買嘅洋紫蘇，下面就係我嘅花，左邊係紫羅蘭，右邊係荷蘭日高錦，問完先知原來係多肉。

2點左右已經返到屋企，某人買咗下午茶，大滿足。

既然買咗線又有大把時間，下晝就車埋條裙同縫埋扣，完美。

真係呢種天氣先可以行得咁盡興，如果係夏天⼀定係急急脚返屋企。