今次旅遊有ｄ大意，發生左ｄ意外。不過主因都係時間預錯左，疫情之後ｄ機場巴士仲係好少，班機係朝早７點頭，我地去到機場已經５點幾。

唔知點解機場麥記要揀呢ｄ旺季做清潔，令到其他餐廳大排長龍。兼且好多餐廳都未夠鐘開門，選擇好少。某人因為瞓得太少，成個人又呆呆滯滯咁，就搵左位坐低先。最後我去 food court 買左三文治同 Muffin，喺登機口最後嗰５分鐘食左個 Muffin。某人居然喺美心買左另外一個三文治同嘢飲，都係５分鐘 K.O. 左個餐。而我買果個三文冶就帶左上機，一直都冇食，入面有豬肉唔知可唔可以入境，落機時就掉鬼左。某人仲喺機度嘔左，因為有準備定膠袋果ｄ所以都冇乜野。

今次都係同 J 分開去，佢好早已經到左，最後我地喺酒店會合。3 點幾就去啡一啡先，跟住就行去合井Homeplus，唔知係根本去錯左地方定點，個商場麻麻地，又有ｄ凍，所以就冇行過去漢江。

返返去弘大，行下街，７點幾就隨便搵左間餐廳食晚餐，都唔錯。