難得假期，星期六日又做晒啲嘢，終於可以做手工藝～

又修補衣物，之前喺日本買咗條褲，估唔到緊到著唔到。係條橡筋褲來，試過拉盡佢，應該係夠寬。依家拆咗個橡筋岀來，真係啱啱好，但長坐應該都係唔舒服，行下街就應該冇問題。

好難得我哋今日有 mood 岀街，順便試吓試條褲。

去到商場，本身想食燒肉，但我哋真係低估咗香港人，多人到癲。攞咗飛，行晒想行嘅鋪頭，都係有排先到，最後去咗食 shake shack。例牌食唔晒，問個職員拎咗個紙盒裝薯條，佢個樣有啲似南亞人又有啲似墨西哥人，而佢啲廣東話係勁正，可以話係屌打好多香港人。

食完嘢就返屋企。