尋日個 bagel 覺得 cream cheese 同煙三文魚好似都係⼀齊食好味啲，分開嘅話⼀邊太咸⼀邊太淡。夾埋⼀齊食就啱啱好啦，同埋終於都記住食溫泉蛋，沖埋 latte，大滿足！

食完 hea 咗陣就岀去剪頭髮，爽晒！不過剪得麻麻⋯⋯

喺街度煩緊食咩午餐好，突然間醒起有紅薯粉。下班巴士仲有20分鐘，先電話落單，再去附近睇下買唔買到晚餐用嘅車厘茄。都唔平，$20/磅，有少少嚇親，但都照買，唔想再去多轉超級市場。

返到屋企食埋嘢燙埋衫先4點過少少，早起身真係好。不過晚餐就勁大龍鳳，有焗薯同煎龍蝦。好味，仲勁多嘢要準備同洗。