真係唔知自己發左咩神經，居然會諗住喺屋企食早餐。平時經過包點店，見到菜肉包張相好吸引，今日一食，好失望，啲餡好淡。條粟米又老，用左ｄ時間先食完呢個咁難食既早餐。

去到機場冇再食野同飲野，因為我罕有地點左餐－－芝士雞胸牛油果醬三文治，唔知點解總係覺得飛機ｄ熱食會好難食，好似都係麵包安全ｄ。ｄ空姐可能以為我係要食藥，問我幾點可以上餐，我有同佢講個時間，但佢地最後都係唔記得左，要我再搵佢地上餐。再次，個包都係好淡口，唔通係我條脷有問題？真係希望果陣時有包茄汁喺身。

Hello Tokyo!

今次試下搭ｄ local 車，去到藏前，喺飛機坐得太耐，決定唔轉車，一路轆過去新御徒町。So Japan!

例牌影張酒店相。

喺酒店附近兜左一圈，冇乜餐廳特別想食，反而喺便利店見到個想試既甜點。

最後喺間似係連鎖既壽司外賣台買左便當返酒店食，好淡口，今日食既所有野都係淡既，咩事？！

今次仲帶左畫具來旅行，但最後一次都冇用過……