話說今日就係去高雄之前嘅最後一個工作天，唔知點解有啲擔心。

尋晚瞓之前好似諗咗好多嘢咁，又驚醒唔到，又驚好似上次咁安排失當。我諗上次真係有啲陰影，點解會因為麥當勞冇開而慌失失呢，真係好細路 😂。

明明工作上冇乜壓力，仲個心都總係放唔低，而我又講唔岀係咩。又唔係工作，又唔係家庭，唯一係剩返自己。我諗我可能俾咗啲壓力自己，因為太擔心自己冇目的咁生活，又或者係睇咗咁多書都冇進步呢個樣嘢。

我要同自己講放鬆啲，去旅行放空下。